Ola,

Bemvindu iha knua Dili Acoustic Comunity (DAC)
Fatin ba ema hotu mak gosta kanta no toka ekipamentu acoustic.

Istoria badak:
DAC hahu no inisia hosi Irmao Jhony Nunes, ne'ebe hetan inspirasaun hosi maluk sira ne'ebe Sabadu-Domingo, sempre sa'e motor gas ba mai iha tasi ibun. Ideia mosu, se ema seluk bele halo barulhu ho motor, tanbasa mak Tokador,Kantor sira labele tur hamutuk hodi toka iha fati publiku? Objetivu hosi grupu ne'e atu kria amizade, konese malu no hamutuk servi sosiedade liu hosi toka no kanta atu bele transforma Dili sai sidade ne'ebe nakonu ho Muzika (paz).

Iha loron 3 Abril 2017, belun Jhony Nunes kria Grupu Dili Acoustic.Community https://web.facebook.com/groups/DiliAcoustic.Community/ no konvida ninia belun sira seluk ne'ebe mos suporta tebes ideia ne'e hanesan maun Aurito Ximenes, Bartolomeo Soares, John Paul Qku, Alberto Piedade, Nilton do Rego, Quito Nunez, Sheilla Melinda, Noemio Fernandes, Apin, Leo Destroyed, Cesar Trinito Gaio, Francisco Isman Ismenio.

Atividade Toka Hamutuk hanaran "Acoustic Playday", idak-idak lori ninia guitar acoustic, ba tur hamutuk hodi toka no kanta, enjoy to tuku 8 kalan.

Acoustic Playday 1: hala'o ba dahuluk iha loron Sabadu, 8 Abril, iha Jardim 5 de Maiu. Maluk sira iha foto ne'e mak kontribui no suporta tebes inisiativu komunidade DAC.




Acoustic Playday 2: Aprende hosi semana dahuluk katak Jardi 5 de Maiu ne'e besik estrada no kareta liu ba mai halo guitar lian ladun maka'as, desidi katak ida-idak lori ninia guitar amplifier, kabel roll dada hosi post seguransa nian. Nafatin, toka no kanta hanesan baibain, no komesa dada ona komunidade no publiku nia atensaun atu mai gabung no tur besik tona deit.






Atu fo motivasaun ba sira ne'ebe involve ona, DAC ba toka iha Timor Plaza iha loron tuir mai, atu introduze existensia DAC nian.




Acoustic Playday 3: Komesa dada ema komesa hosi labarik kiik to ema boot. Kontenti ho vizita hosi banda Kbi'it ne'ebe involve iha DAC to'o agora.



DAC hetan konvite hosi BFR atu ba "sarani" palu foun ne'ebe BFR fornese ba publiku atu bele utuliza gratuita ho soundsystem no lighting. iha dia 13 Maiu 2017, DAC ba toka dahuluk iha Metiaut no eventu Acoustic Playday muda ona ninia konseitu no enviroentu, la hanesan ona iha Jardim 5 de Maiu. 

BFR fo fiar ba DAC atu organiza eventu ne'e semana-semana, loron Sabadu hahu oras tuku 5 to'o 12 kalan.
eventu semanal ne'e mak hanasan "Saturday Open Acoustic Performances" (SOAP), aprezentasaun hosi banda to'o tuku 9, no tuku 9 ba leten hanaran sesaun "KOLE GANTI", ema hotu bele toka no kanta, la hare ba banda ka grupu.

atu hatene barak liutan kona ba BFR-DAC, bele vizita pagina official:
DAC: facebook.com/DAC.TimorLeste
BFR: web.facebook.com/BFRRecordingStudio